TRUE LIFE'S JOURNEY (साँचो जीवनको यात्रा)

जीन्दगीका भोगाइहरुको तितो-मिठो तथा अर्थपूर्ण जीवनको खोजकालागि साहित्यका माध्यमले तपाईंहरुसँग साइनो गाँस्न यो माध्यम रोजेको हुँ । माया आदान-प्रदान गर्नुहोस् ! बसन्तले बहार ल्यायो प्रकृतिमा रंग आयो । हराएको कोइली धुनमा अचानकै ढंग आयो । हिउँद-शरद गर्दा-गर्दै थाकेका थे मेरा पाइला , बुटी; तिम्रै प्रेम रसले एकाएकै उमंग आयो ।

Monday, August 23, 2010

गजल

अलि तिमी हार, हारेँ अलि म, जीत होला हाम्रो !
स्वर्ग हुन नसके नि यो धरामा, हित होला हाम्रो !!

धेरै गायौं पीडामाथि, धुनभरि नाच्यौं रटमा,
त्यागि निन्दा गरे काम,सुखको गीत होला हाम्रो !!

तान्ने खुट्टा,लडाउने, खेल बन्दको बेला भयो,
हित्त-चित्त मिलाइ हिंडे पो, उचित होला हाम्रो !!

सद्भाव र शान्ति बोकी, मेची-काली कलकलाए,
दंग-चितपारी बैरी लोभ्याउने रीत होला हाम्रो !!