गजल

रुप तिम्रो चाँदनीझैं हेरिरहूँ जस्तो लाग्छ ।
ओठ तिम्रा गुलाबी ती चुमिरहूँ जस्तो लाग्छ ।।

कम्मर भा'को बारुली त्यो सून्दर खम्बामा,
वशन्तको लता जस्तै झुलिरहूँ जस्तो लाग्छ ।

फुली नाकको चमक दिने हेरि-हेरी कन,
मोहिनी त्यो चक्षु तालमा पौडीरहूँ जस्तो लाग्छ ।

छेउ तिम्रो पुगिकन असिन-पसिन बन्दा,
छाँयामुनि ज्यानको लौ बसिरहूँ जस्तो लाग्छ ।

डाँडा-बेसी, खोचतिर नजरको तीर लाग्दा,
सौम्य त्यो हिमशैलमा खेलिरहूँ जस्तो लाग्छ ।

उफ्रि-उफ्री हरिनझैं खेल्दा थके पछि पनि,
डाँडामुनि चौतारीमै बसिरहूँ जस्तो लाग्छ ।