गीत(के भनुँ म निष्ठुरी हौ, भन तिमीसँग)

आफ्नो भनी साँटेथे यो, मन तिमीसँग ।
के भनुँ म निष्ठुरी हौ, भन तिमीसँग ।।

स्वच्छ थियो स्वभाव तिम्रो बग्ने झरनाझैं ,
आयौ-गयौ के भनु खैं; बन्यो तिर्षनाझैं ।
तनमा यहाँ छट्पटी छ , मन तिमीसँग ,
के भनुँ म निष्ठुरी हौ, भन तिमीसँग ।।

शून्य देख्छु हिंड्ने बाटो , दुनियाँको बोझ ,
आशा देखाइ, जगाइ गयौ , यो मनको सोच ।
आँशु यहाँ वेदनामा, मन तिमीसँग ,
के भनुँ म निष्ठुरी हौ, भन तिमीसँग ।।