नवीन आविष्कारको घोषणा !

(कविता)
जीवन-एक प्रयोगशाला
म - उत्तराधुनिक प्रयोग कर्मी

पुराना सिद्धान्त, थोत्रा विचार
पहाडझैं अग्ला पीडाका खात
मृत घोषित गर्न र
तिनका अस्थित्वको समप्तिको
शंखघोष गर्न तम्तयार
एक नयाँ आविष्कारको
सन्सनी पूर्ण सफलताको
रहश्यको कथा
बजारमा आएको डकार्दैछु ।

भूमण्डलिकरणको जमानामा
मान्छे कल भएको बेला
आफू ठूलो भएको आडम्बरमा
वक्यौता बाँड्दै गएको बेला
नारी-पुरुषको भेद रहनेछैन

अब नारीहरु ढुक्क भए हुन्छ
यौन पिपाषु पुरुषको भए हटाए हुन्छ
पेटमा गर्भ नबोके हुन्छ

संरक्षणविदहरु , अब तिम्रा
वखान बन्द गरे हुन्छ
खास्साको यो प्रविधिले
रैथाने, अल्प संख्यक जनजाती
लोपोन्मुखहरु चिन्ता नगरे भो

रोग-व्याधीको अचुक उपाए हो
तिम्रै कोष लिएर रोपिनेछ र
पुन: पहिलेकै अवस्था आउनेछ शरीरको मरेको भाग

महिलाहरुले पाठेघर बन्द गरे हुन्छ
निर्धक्क यौनको आगो तापे हुन्छ
पुरुषहरुले पनि पेट बोक्नेछन्
वा प्रयोगशालामा नै दिए हुन्छ
आफ्नै कोषबाट आफू जस्तै जन्मिनेछन् , सन्तान
परिवार नभए हुन्छ
पशु जस्तै
चौबाटो , सडक छेउ ,चौर , समुन्द्री कीनार
यौनको भोक मेटे हुन्छ
शरीरमा लुगा नलाए हुन्छ

दुनियाँमा अब कैयौं 'डली भेंडा' जन्मिनेछन्
महरु , हामीहरु जन्मिनेछन्
र ढोल ठटाउनेछन , आफू हुनुको राग अलाप्दै

मैले एकाधिकार यो प्रविधी लिएर
महान वैज्ञानीक भएको
प्रमाण पत्र हात पारिसके
अब चाँडै प्रयोगकालागी
गरीब देश , विविधता बढी भएका देश
पहिलो प्राथमिकतामा पर्नेछन्
राम्रा-नराम्रा असरकालागि

पर्खिदैं गर्नुस् !

अहिले , म लाग्छु
बाटो मेरो हेरेर
मेरी प्रेमिका आँखा तर्दैहोलिन्
उनी भन्दैथिन् , यसपाली बिहा गर्नुपर्छ
मेरो मलिलो बारीमा , बिऊ रोप्नु पर्छ
अनि सुन्दर दुई फूल फुलाउनु पर्छ
फूलको सुन्दरतामा हामी रम्नु पर्छ

तर आज मेरो वाचा छ
उनलाई , आफ्नै हातले साँझको
खाना पकाएर खुवाउने !